PIAGAM PERSAUDARAAN MASYARAKAT ADAT RANTAU KAMPAR KIRI

SUMPAH SOTIE DI MUAGHO BIO

SUMPAH SOTIE DI MUAGHO BIO

BATU BAKAGHANG DIMUAGHO SUBANGI

DIBACOKAN DI PULAU ANGKAKO

DICOMPUONG KA LUBUK ALAI

INDAK BULIE DIANGKEK DIUNGKIEK LAI

BUEK TINGGAE DI DATUK BOSAE

AMANAT TINGGAE DI DATUK GODANG

SULUO BENDANG KHALIFAH NAN BAOMPEK DI MUDIAK

GONGGAM POCIK KA OMPEK SUKU

PAKAIAN DATUK NAN SALAPAN DI GUNUONG SAILAN

UNDANG BASUMPA JONJI

CUPAK BAPARBUATAN

CUPAK MANO PURBAKALO

KALAU AJO NAN MAUBAH DIMAKAN BISO KOGHI

KALAU KHALIFAH NAN MAUBAH DIMAKAN SUMPAH MANAH

KALAU PENGHULU NAN MAUBAH DIMAKAN PERBUATAN

KALAU UGHAGH BANYAK NAN MAUBAH DIMAKAN KUTUK  KALAMULLAH

SAIBU-SIANG SAIBU MALAM

KA’ATE INDAK BAPUCUK KABAWAH INDAK BAUGHEK

DITONGA-TONGA DI GHIGHIEK KUMBANG

IDUIK ONGGAK MATI TAK OMUE

SAUPO UMPUIK DI TONGA JALAN

BALADANG TAK BULIE PADI

BAANAK SOGHANG MATI JUO

ANTAU DITUWIK JO UNDANG

NAGHONGI DIHUNI JO PISOKO

KAMPUONG DILAMBAK JO LIMBAGO

ANTAU SAPARENTA AJO

LUAK NAN SAPARENTA UGHANG GODANG

NAGHONGI SAPARENTA PENGHULU

KAMPUONG NAN SAPARENTA UGHANG TUO

UMA NAN SAPARENTA TUNGGANAI

NAN BA HAQ NAN DI BOGHI

NAN BASOSOK BA JUAMI

NAN BATUNGGUE BASILAMPIK

NAN BATUWUN BANAIKKAN

NAN BAJONJANG NAIOK BA TANGGOTUWUN

GODANG IKAN HINGGO SISIAK
GODANG KA MANAKAN HINGGO MAMAK

KAMANAKAN BAAJO KA MAMAK

MAMAK BAAJO KA PENGHULU

PENGHULU BAAJO  MUFAKAT

MUFAKAT BAAJO KA NAN BONAE

NAN BONAE, BULEK NAN BULIE DIGOLEKKAN

PICAK NAN BULIE DILAYANGKAN

NAN INDAK MALOMPEK KALUE POPA

NAN INDAK MAHAMBU KALUE SEGAE

JALAN BAAMBA NAN KAN DITUWIK

BAJU BAGUNTIANG NAN KAN DISAWUONGKAN
GODANG INDAK MALINDAN
PANJANG INDAK MALILIK
LOWE INDAK MANYUNGKUIK
GOPUOK INDAK MAMBUANG LOMAK
CODIK INDAK MAMBUANG KAWAN

INDAK MAMBUEK NAN BOLUN-BOLUN

INDAK MAUBAH NAN BIASO

ANTAU PANJANG KA ULU

NAGHONGI PANJANG KAUSUK

LICIN BAK LANTAI KULIK

ALUI BA ANTAU SIAK

SUMPAH SOTIE DIPASOKSIKAN

KA GAJAH SA KUNTO NYO

KA IMAU SA CINDAKU NYO

KA BUAYO SA ANTAU

KA ANTU SA IMBO AYO.